Миний тухай
- Чепак
- Нэг их гавъяа байгуулж нэр алдарт гарахгvй ч, Охин минь том болоод надаар овоглохдоо олноос ичэхээргvй эцэг байхсан
2007/05/11
Бvтэлгvй ч гэлээ ....... eдeр
Чєтгєр алгадмаар Valentine’s Day
Жин жин жин хэмээн хажуу ширээнд суудаг бүсгүйн утас хангинан дуугарч инээд алдан яриа дэлгэж эхэллээ. Ажил тарах яагаа ч гүй байгаа. Сонссон чинь ёстой шал дургүй хүрчихлээ, өрөөнөөсөө гараад явчмаар санагдлаа. Уул нь миний найз бүсгүйчүүдийн л нэг л дээ. Яриагаа дуусган надруу инээд алдсан царайтай хараад яриагаа эхлэх гэхтэй нь зэрэг би өрсөөд л гараад явчлаа. Яагаад гараад явчихваа гэвэл би юуны тухай ярих гэж байгааг нь мэдэж байгаа учраас л өөрийн эрхгүй гараад явж байгаа юм. Өнөөдөр чинь Гэгээн Валентиний өдөр шүү дээ. Ганцаараа хэсэг зогсож тайвширлаа.
Түрүү жилийн Валентиний баяраар өрөөнийхөө найз бүсгүйтэй дэлгүүр явж найз залууд нь өгөх бэлгийг 2 цаг гаран хайж байж сонголцсон юм. Дараа нь хамт үсчин орж бэлгийг нь тэврэн сууж, үсээ засуулж царай нэмсэн найздаа бэлгийг нь эвтэйхэн гардуулаад баяртай хэмээн даллаж болзоондоо яарч буй найзаа үдээд хоцорсон хүн нь би байхгүй юу. Тэгээд л би гэртээ харьсан юм даа. Хүйтэн байсан болохоор такси барих гэтэл олддоггүй, тэгэхээр нь тийм ч холгүй байсан болохоор нь гэрлүүгээ алхаад л харьчихсан. Хажуугаар өнгөрөх залуучууд бүгд л хос хосоороо хөтлөлцөж, тэврэлдэж аз жаргалтай яаран алхална.
Над шиг хайртай хүнгүй ганцаардсан уйтгартай хүн тэрхүү хөл хөөртэй оройн гудамжинд дэндүү илүүдээд байх шиг. Хажуугаар өнгөрсөн хүмүүс намайг баяр тэмдэглэх хүнгүй хөөрхийлөлтэй нэгэн гээд бодчихвий хэмээн гэнэт бодогдлоо. Энэ тэнэг бодлоосоо өөрөө хүртэл ичсэн хэрнээ хүмүүст болзоонд яарсан нэгэн мэт санагдуулахаар шийдэн нүүрэндээ жаахан инээмсэглэл тодруулан урагшаа харан яарасхийн алхаж гарлаа. Хүн хараад намайг Гэгээн Валентиний баяр тэмдэглэхгээд яараад явж байгаа юм байна гэж бодох юм гэнээ. Ийм царайлаад гэрүүгээ явж байхдаа өөртөө жигтэйхэн гутарч билээ. Дараа жил хайртай хүнтэй болчихоод энэхүү баярыг заавал хайртай хүнтэйгээ 2лаа нэгэн сайхан газарт бие биедээ хичнээн хайртайгаа хэлээд л сайхан сууж байна хэмээн өөрөө өөртөө тангарагласан сан. Тэгээд л хотын харанхуй гудамжаар бүдчин гэр өөдөө явж харьсан сан.
Тэгтэл яг нэг жилийн дараа өнөөдөрийн байж байгааг хар. Яг л хуучин хэвээрээ. Одоо өрөөндөө орохоор найздаа ямар бэлэг хаанаас авах тухай эцэс дуусашгүй яриаг сонсоод дагаж дэлгүүр яваад л түрүү жилийн бүхэн дахин давтагдах юм гэж үү. Өөр үед дуртайяа тусалмаар л байна. Даанч өнөөдөр чадахгүй нь дээ найз минь. Гэнэт нэг сайхан санаа оллоо. Хажуугийн өрөөнд ороод нэгэн найзруугаа залгалаа. Хүүе сайн уу, чи миний гар утасруу залгадаа. . . заа хэрэг байна аа гээд утсаа тавьчихлаа. Өрөөрүүгээ хурдлав, болоод явчихлаа утас дуугарч байна.
Утсаа шүүрч аваад л тэр дор нь анзаарагдахгүй гээр таслаад хаячихлаа. Хүүе сайн уу (жаахан нялуун дуугарлаа) за юу байна аа. Аан за баярлалаа, юу орой уулзах уу . . . хамт баяр тэмдэглэе гэж үү. . . Болж л байна хаана урьж байгаа юм бэ . . . Тэгвэл 8 өнгөрөөд яваад очие ОК гээд би утсаа ширээн дээрээ тавиад нүүр бардам хажуу ширээний найз хүүхэнрүүгээ бардам ширтлээ. Нөгөөх маань ч бараг амаа ангайн чимээгүй чагнаж байсан юм чинь. Өө за яасан орой болзоотой болчихсон уу хэнтэй хэмээн асууж шалгааж гарлаа. Би жаахан цааргалсхийн нэг залуу байгаа, тэр маань урьж байна . Ажил дээрээ сууж байгаад 8 өнгөрөөд гараад явна даа гэж сэтгэл хангалуун өгүүллээ.
Найз маань залирхаг гэгч нь чи бэлгээ авсан уу хэмээн асууж байна. Аан бас дахиад л дагуулж дэлгүүр явах нуу, тэгж ч ярихгүй ээ хө. Ямар үерхэж байгаа бишдээ би бэлэг авахгүй ажил дээрээ сууж байгаад л явна гэж эрс тэс хариуллаа. Нөгөөх маань царай нь урвайгаад л явчихав. Би ч сайхан арга бодож олсондоо сэтгэл амар ажлаа хийж байлаа, тэгэхдээ л сэтгэл нэг л хөндүүр хайртай хүнтэй болчихоод л найзтайгаа хамт дэлгүүр хэссэн шигээ явбал хичнээн сайхан. Гэтэл хаанаас ч юм утсанд дуудлага ирж хэн ч юм намайг урих юм шиг санагдаад цагтай уралдан ажлаа дуусгах гэж чармайлаа.
6 нэгэнт өнгөрч залуучууд голдуу ажилладаг манай ажлынхан цагтай уралдан яаран гарцгаалаа. Найз маань ч гарах гэж хувцас хунараа өмсөн хажууд эргэлдэнэ. Ганцаараа дэлгүүр явах болсондоо дурамжхан хэдий ч намайг болзоонд явах болсонд зөндөө баярлаж байгааг нь харахад тэртээ тэргүй гунигтай байгаа зүрх маань улам л гунигийн мананд орооцолдоно. Хөөрхий найз маань миний үгэнд итгээд надад зөндөө л заавар зөвлөгөө өгөөд нүүрний будгаасаа хүртэл илүүчлэх гэж оролдоод авахгүй болохоор минь амжилт хүсээд гаран одлоо. Тэр дороо буцан цухуйж маргааш яаж баярласан сонин дуулахын тулд эрт ирнэ гэж хэлчихээд инээд алдан яваад өглөө.
Хэсэг суулаа интернетээр хэслээ. Хэн нэгэн ярих юм шиг санагдаад байсан болохоор ажлаа яагаачгүй дуусчихсан. Кино ч биш, зүүд ч биш болохоор мэдээж хэн ч надруу залгасангүй. Ажил дээрээ гав ганцаараа торойн үлдлээ, цонхны цаана хав харанхуй. Гэртээ харихгүй ээ, улам ч их ганцаарддаг юм чинь. Бусадтай адил царай зүстэй, боловсрол мэдлэгтэй л юм сан. Энэ баяр тэмдэглэж, дурлаад дурлуулаад байгаа бүсгүйчүүлээс юугаараа ч илүү биш, бас юугаараа ч дутуу биш сэн. Гэртээ л лав одоо харихгүй ээ, ээж минь намайг бусад залуу хүмүүстэй адил баяр тэмдэглээд явж байна гэж бодоод баярлах биздээ. Оройхон харихдаа жинхэнэ баярлаж баярлаж ирсан хүн шиг цог золбоотой гэртээ орох юм шүү. Зүрх уйтгартай цохилно, чөтгөр ав Валентиний өдөр чамайг. . .
Ирэх жил заавал хайртай хүнтэй болчихоод энэ баярыг баяр хөөр дүүрэн тэмдэглэнэ дээ. Амлая.
2007/05/10
Б.Лхагвасїрэн : Монголын их хээр тал
/Аавынхаа дурсгалд/
/
Нар нартай чулуунууд нь
Дуулгын дүрсэнд тоглосон
Намар намрын өвс нь
Нумын дүрсэнд тоглосон
Монголын их хээр тал
/
Тогоруу нь буцсан нуурын хөндүүр арилаагүй байхад
Тоссон газар шороо томдсон аз төөрөг
Үр асахын тал…
Бухим шөнийн тэнгэрийг цэцэг гижигдэхэд
Буусан ододыг шигшин гэгээнд холих
Үүр цайхын тал…
Ерхөг сугартал цалалзсан салхи
Ердөө л хагасын нь туулаад омог нь эцдэг
Салхи эцэхийн тал…
Туулайн дэгдээтэй саран үүл харайн гулгаж
Туйлдаж дунд нь хээр хонон цонхийдог
Сар хэвтэхийн тал…
Хавтгайн ингэ хэвтээд босоход
Харганын толгойд нь өрөм дарайж үлддэг
Сүү дусахын тал…
Нуган нуган үрдээ “хаан” цус нь эргэж
Нулимсны нь горыг тайлж, эргээд урагтаа төрдөг
Сүнс эгэхийн тал…
Дээлэндээ багадталаа Богд Чингис бага болж
Дэлхийн өмнө бохироогүй өвдгөө нугалж мөргөсөн
Хаан сөгдөхийн тал…
Бусдад тэгтлээ заяахгүй энэ их талыг жийж төрсөн үрд нь
Бурхан хүртэл атаархдаг
Хатан амаржихын тал…
Нар нартай чулуунууд нь
Дуулгын дүрсэнд тоглосон
Намар намрын өвс нь
Нумын дүрсэнд тоглосон
Монголын их хээр тал
Б. Лхагвасїрэн : Хил дээр бичсэн шїлэг
Хилийнх нь боомтод ирлээ
Торгон хилийн эмзэг зурвасны цаана
Тортог суугаагүй эх орны минь сэжүүр
Амаржих гэж байгаа эхийн хормой шиг намайг
Алтан харганатай толгод нь өндөлзөнхөн байна
Ай мөн сайхнаа
/
Хилийн эрхэм түшмэл
Хээмсэг ширтэж хуудас тараана
Асуулт бүхэн нь хариулт нэхсэн түүн дээр
Аль улсын иргэн болох гэж асуусан байна
Монгол гэж
Зургаан хана шиг үсгийг
Зурхайн хөх тэнгэрээс доош нь урсгаж бичлээ
- Монголд хэдий хугацаагаар суух гэж бас асууж байна
- Үхтлээ суунаҮхсэн хойно сүнс нь хүртэл монголын харъяат гэж бичлээ
- Зарах юм байна уу? гэсэн хүмүүс
Завсраар нь бас гүйлдэнэ
Мохоо хутга шиг нүд нь
Монголоо зарах уу гэж асуух шиг сэрдхийлгэнэ
- Үгүй дээ
Хардаг нүд гэмээнэ
Цавчихыг нь мартаж өмгөөлсөн
Хальдаг амь гэмээнэ
Үхэхийг нь мартаж өмөөрсөн
Нутгаан өгснөөс үхсэн минь дээр гэж цус нь буцалсан
Нуман хөвч, аагтай илдний үр садыг монгол гэдэг юм аа
Нуугаад байхад чинь цухалзаад байгаа санаагаа ав!
Нутагруу минь унагасан нүдээ ав!
Өвөг дээдэс минь Ясаан дор нь ивсэн
Өндөр оронд чинь санаархваас заяа чинь дутна
BEH-d
Намайг чи орхиод явахад юу үлдсэнийг мэдэх үү чи
Навчсаар үйлсан намар шиг сэтгэл уйлж үлдсэн
Дурласан сэтгэл дутуу залгисан нулимс үлдсэн
Дуртай бүхнээсээ зугатаасан дугуй хар цэг болж би үлдсэн
Бүүдгэр болсон хорвоогоос гэрэл олж харах гэж би ядарсан
Бүүвэйн дуу, ээжийн хайрыг үгүйлсэн
Бүр юунд ч зовохгүй нохойн гөлгөнд би атаархаж
Буйдхан энэ хорвоогоос явах юмсан гэж бодогдсон
Он цагийн эрхээр цэг бүдгэрч сэтгэл чангарсан
Орчлонд чамайг хайрласан шиг хайр ирэхгүй болсон байсан
Нар сар хоёрыг угтаа нэг юм гэж ойлгодог болсон
Найр дуу хуурыг намбатайхан шиг өнгөрүүлдэг болсон
Намайг чи орхиод явахад юу үлдсэнийг мэдэх үү чи
Намрын навчис ямар гоё хээтэйг мэдэрч үлдсэн
Наснаасаа эрт ухаан сууж ухаарч үлдсэн
Нар сартай хорвоод чамайг л үл мартах сэтгэл үлдсэн
Би мартагдана
Гараараа биеийг чинь ямар зөөлнөөр энхрийлж таалж байсныг
Гайхалтай сэтгэлийн хөдлөл, үнсэлт, тэврэлт, дурлалыг
Магадгүй нэрийг минь, насыг минь, нүдийг минь
Мартчихна даа чи, бүгдий нь ор тас мартана
Зөөлөн салхи чихэнд чинь нэрийг минь дандаа шивнэдэг
Зөрөөд өнгөрхөд чинь модод зүрхээн дор чинь дэвсдэг
Зүрх чинь намайг мэдэрдэг ч чи гайхан зогтусаад
Зүгээр л навч гээд дээгүүр минь гишгээд өнгөрдөг
Бороотой чийглэг салхи хөшиг тэврэн эргэлдээд
Болор тунгалаг саран цонх дүүрэн ширтээд
Саруулхан шөнө гарыг минь дэрлээд ямар зүүд зүүдэлсэнээ
Санахгүй дээ чи, яасан ч эргэж санахгүй
A.Амарсайхан : Монгол бүсгүйн үзэсгэлэн гуагийн учир
2007/05/09
Чамдаа
2007/05/08
Бодлын бороо
Зєєлєн зєєлєн урсах
Зїрхний намуун шивнээ ч юм уу даа
Зїїд манан хоносон
Зєєлєн сарын илбээ ч юм уу даа
Бороо бороо орсоор л
Бодол минь халгилсаар л байна
Холын холоос илгээсэн
Хайрын мєнгєн захиа ч юм уу даа
Холдож ойртон наадах
Хос оддын уянга ч юм уу даа
Бороо бороо орсоор л
Бодол мниь халгилсаар л байна
Дурсан дурсан санах
Дуртгалын бїлээн салхи ч юм уу даа
Дуусгаж амжаагїй миний
Дурлалын тухай аялгуу ч юм уу даа
Бороо бороо орсоор л
Бодол мниь халгилсаар л байна
2007/05/07
Саад бол шалгуур
Єнєєдєр орой гэртээ ирчээд сууж байсан МЇТВ-р нэг кино гарч байна. Халит сонирхож їзэв. Яагаад ч юм асар их юм бодогдуулсан кино байлаа. Гол дїрд нь миний дуртай жїжигчин Уилл Смит тогложээ. Энгийн нэгэн америк залуугийн амьдралын тухай мєнгє олох ямар хэцїїг ажил хийх гэлэг тийм амар биш гэдгийг, алдар нэр амжилтанд хїрэхийн тулд яаж шургуу хичээж байгаа тухай їнэн тас їзїїлсэн. Гальт зарим їед нь єєрийн эрхгїй санаа алдаж суулаа гэж. Магадгїй би ийм замыг бас туулсан болоод ч тэр юм уу. Киноны хамгийн оргил хэсэг нь 5 настай хїїгээ тэврээд метроны буудалын ОО-ийн єрєєнд унтаж буй тэр хэсэг байлаа. Їнэхээр зїрх шимшрэм байлаа. Эцэг хїний їрээ гэсэн сэтгэл ийм їед л гардаг юм байх. Хаалгыг нь хїн нїдэхэд хїїгээ сэрчих бии гэж чихийг нь таглан байж ядаж буй тэр дїр чимээгїй урссан эцгийн нулимас хэзээ ч їл мартагдах байх аа. Хэдийгээр кино ч гэсэн амьдралд элбэг байдаг л асуудал шїї дээ. Орох оронгїй айлын хажуу єрєє хєлслєн ааш муутай гэрийн эздийн аяыг олох гэж їр хїїхэдтэйгээ чангахан ч инээж болохгїй амьдарч буй залуу гэр бїл асар олон л байгаа манайд. Тэр хїмїїс энэ киног їзээсэй. Учир нь эндээс мєрєєдєлдєє хїрэхийн тулд хїн яаж зїтгэж хичээж байгааг, аз жаргал єєрєє зїгээр хїрээд ирдэгїйг харж авч ыболох юм. Би нэг их зовж їзээгїй л дээ сайн аав ээжийн буянд гэхдээ тэр тусамаа аав ээжээ аль болох олон юмаар шатаахгїй єсєх юмсан гэсэн сэтгэлтэй байсан. 10 жилд манай ангийнхан ёоз ёозоор хувцас сольж ємсєєд, тєрєл бїрийн тоглоом тоглоод л оросууд яджийхад цєєхєн хїїхэдтэй тэрїїндээ амь тавьдаг юм. Найз нар бардуулаад л би нэг удаа ч ээж аав хоёрыгоо ийм тоглоом аваад єгєєч гэж гуйдагїй байж билээ. Аав намайг муу санаатай гээд л . Учир нь би дэлгїїр хэсэхдээ юм авмаар бол байн байн очиж їзээд байдаг авъя гэж ерєєс хэлдэггїй байсан юм. Харьцангуй эрт мєнгєний їнэ цэнийг мэдэрсэн болохоор аав ээждээ тээр болж дэмий зїйлээр шатааж чаддагїй байж билээ.
Хїїхдїїдийг єєрсдєє мєнгє олж чадахгїй байж аав ээжээ яах гэж торгодог байна гэж заримдаа учрыг нь олдогїй байж билээ. Нєгєє нэг их гоё тоглоом энэ тэрээсээ удахгїй уйдаад будаа болгоод хаячихна.
Сїїлд бодоод байхнэээ хэтэрхий эрт хєгширсєн юм шиг байгаа юм хїн хїїхэд бол хїїхэдээрээ залуу хїн бол залуу хїнээрээ л байх хэрэгтэй байх. Наснаасаа эрт ухаажиж наснаасаа эрт томоожисоор байгаад одоо євєє гэсэн нэрнээс єєр зїйлгїй боолжийна доо. Євєє ....., хадам эцэг, эцэг, ах......... найз нєхєд танил нартаа нэг иймэрхїї дїрээр буудаг болж. За сэдэвээсээ хадуураад явжийна. Киноны їйл явдлын хамгийн эмзэг сэдвээс хойш битїїхэндээ тэр залууг ажилтай болгох гээд їзэж тарав. Уул нь олон хїнээс одиноороо шалгардаг. Шалгарч чадвал мундаг баян боллог юм л даа. Яджийхад эхнэр нь мєнгє олохгїй байна гээд хаяад явчихсан . тэр залуугийн нерв гэж ган л гэсэн їг. Гэхдээ л хїн муу юмыг тэсдийн билээ. Найз нєхдїїд нїїрэн дээр урваж ар талаас хутга шааж байхад хичнээн хэцїї ч тэсээд гардийм билээ. Одоо лав би єєрийгєє овоо юм даах байх гэж боджуугаа ш даа. Хїний їг даах хамгийн гол нь хал їзэх нь хїнд амьдралдаа зєв шийдвэр гаргах зєв замаа олоход асар хэрэгтэй зїйл гэж боддийн. Ёстой дормжлуулах тусамаа долоон бурхан од шиг гялалздаг хїн л сайхан амьдарч сарвайсанаа авдаг байх.
За эцсийн эцэст хэлэх гээд байгаа юм маань юу гэвээс чиний амьдрал хаашаа ч яаж ч эргэж болно. Чи туг барьж мандаж болно, тугал хариулж муудаж болно. Гэхдээ хувь заяагаа захирах нь чиний мэдэх асуудал тул їїнд эмзэглэхийн оронд байгаа байдлаасаасс гарах ухаанаа єєрєє олох гээд оролдоод їзэх хэрэгтэй. Таарсан саад бїрийг шїд зууж даван гарах сэтгэлийн тэнхээ, итгэлийн гэрэлтэй бол чи алзахгїй ээ.
Чи єєрийгєє ухаантай гэж боддог уу хэрэв тийм бол чи ядуу амьдрах ёсгїй.
Чи ухаантай юу тэгїїл амар тайван, элбэг дэлбэг, сэтгэл хангалуун, дїїрэн дундуур амьдралын тєлєє бїсээ чангалаад бос залуу минь чиний ємнє бїхэл бїтэн амьдрал зурайж байна би ч залуу чи ч залуу бид бїгдээрээ залуу тул хэн хэн маань онож алдаж магадгїй
Дэм дэмэндээ
Дээс эрчиндээ гэдэг дээ бїгдээрээ чинээлэг гэр бїр, хїчирхэг Монгоын тєлєє зїтгээд їзье
Энэ эх орноо залуус бид чирэхгїй юм бол єєр хэн чирэх вэ дээ. Хил манаж эх орны тєлєє зїтгээгїй ч хийх ажилаа хийсэн шиг хийж зїтгэье л дээ.